Almaniyanın xarici işlər naziri Yohan Vadeful ölkədə dərhal məcburi hərbi xidmətin tətbiqini dəstəklədiyini bildirib.

Nazir bu barədə “Funke”yə müsahibəsində danışıb.

“Mən hərbi mükəlləfiyyətin dərhal tətbiqinin tərəfdarıyam”, – nazir vurğulayıb.

Məlumata görə, Bundestaq gələn həftə Almaniyada yeni hərbi xidmət modelinə dair qanun layihəsini ilk dəfə müzakirəyə çıxaracaq.

Müdafiə Nazirliyi Bundesverin sayını 260 min hərbçiyə, ehtiyat qüvvəni isə 200 min nəfərə çatdırmağı planlaşdırır.