Avropa İttifaqı Qəzza və Misir arasında sərhəd keçid məntəqəsində mülki nəzarət missiyasını yenidən başladacaq.

APA xəbər verir ki, bunu Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas özünün “X” hesabında qeyd edib.

Onun sözlərinə görə Aİ-nin bu missiyası atəşkəsi dəstəkləmək baxımındab çox mühüm olacaq.

“Bu gün Yaxın Şərqdə nadir ümid anlarından biridir. Girovların azad edilməsi diplomatiya üçün uğur və sülh istiqamətində mühüm irəliləyişdir. Prezident Tramp bu irəliləyişi mümkün etdi. Qəzzda sülhün təmin olunması fövqəladə mürəkkəb məsələ olacaq” Kallas qeyde edib.