Pakistan ordusunun məlumatına görə, Hindistanın dəstəklədiyi ümumilikdə 22 yaraqlı Hayber Paxtunxva əyalətində keçirilən əməliyyatda öldürülüb.

Xalqcebhesi.az xəbər verir ki, "Dawn" qəzetinin verdiyi məlumata görə, Pakistan Ordusunun İctimaiyyətlə Əlaqələr İdarəsi (ISPR) verdiyi açıqlamada, kəşfiyyat məlumatlarının ardınca vilayətin Bannu rayonunda əməliyyat keçirildiyini bildirib.

Açıqlamada Hindistanın dəstəklədiyi 22 yaraqlının gərgin döyüşlərdən sonra zərərsizləşdirildiyi qeyd edilib.

Pakistan ordusu noyabrın 10-da Hindistanın dəstəklədiyi 20, noyabrın 20-də 30 və 21-də 13-də Hindistanın dəstəklədiyi silahlıların öldürüldüyünü açıqlamışdı.

Noyabrın 22-də Bannu bölgəsində həyata keçirilən əməliyyatda 8 yaraqlının zərərsizləşdirildiyi açıqlanıb.

Məryəm Quliyeva