İsrail Müdafiə Qüvvələri (İDF) sünni təşkilatı “Əl-Cəmia əl-İslamiya”nın cənub Suriyada yerləşən silah anbarını aşkarlayıb və məhv edib.

Xalqcebhesi.az xəbər verir ki, bu barədə ordunun mətbuat xidməti məlumat yayıb.

“İDF qüvvələri keçən həftə Bəyt-Can kəndi yaxınlığında gecə əməliyyatı keçirərək "Əl-Cəmia əl-İslamiya"nın silah anbarını aşkarlayıb və məhv edib. Hərbçilər anbarın içində böyük miqdarda atıcı silah, mina və rabitə vasitələrini taparaq məhv ediblər”, — deyə açıqlamada bildirilir.

İsrail ordusu bu əməliyyatları belə izah edib ki, “Əl-Cəmia əl-İslamiya” İsrail Dövləti və onun vətəndaşlarına qarşı terror hərəkətlərini davam etdirməyə çalışır.

Sünni təşkilat 2024-cü ildə İsraillə münaqişə zamanı şiə hərəkəti “Hizbullah”ın müttəfiqi olub.

Məryəm Quliyeva