ABŞ Prezidenti Donald Tramp bildirib ki, İran Hörmüz boğazı üzərində patrul xidməti həyata keçirən ABŞ ordusuna məxsus “Apache” helikopterini vurub.

Tramp bu barədə "Truth Social" hesabında yazıb.

“Mənə məlumat verildi ki, ötən gecə iranlılar Hörmüz boğazı üzərində patrul xidməti aparan yüksək texnologiyalı "Apache" helikopterlərimizdən birini vurublar. Helikopterdə iki pilot olub və onların hər ikisi sağdır, xəsarət almayıb. Bununla belə, ABŞ bu hücuma mütləq cavab verməlidir”, – deyə Tramp bildirib.