Türkiyənin Amasya vilayətində yol qəzasında 46 nəfər yaralanıb.

Bu barədə "TRT haber" məlumat yayıb.

Bildirilib ki, İstanbuldan Ordu istiqamətinə gedən, içərisində 75 sərnişin və 5 heyət üzvünün olduğu 2 mərtəbəli avtobus yoldan çıxaraq aşıb.

Xəsarət alanlar təcili yardım maşınları ilə xəstəxanalara çatdırılıblar.

Amasya valisi Önder Bakan qəza nəticəsində ölüm halının olmadığını qeyd edib: "Qəza zamanı 46 vətəndaşımız xəsarət alıb. İki nəfərin vəziyyəti ağırdır".