İspaniya hökuməti humanitar böhranın öhdəsindən gəlmək və yerli iqtisadiyyatı stimullaşdırmaq üçün Seuta muxtar şəhərinə 309 milyon avroluq təcili dəstək planını təsdiqləyib. 2026-cı ilin qalan dövrü üçün nəzərdə tutulmuş müvafiq fərman çərşənbə axşamı krallığın Nazirlər Şurasının iclasında bəyənilib.

Xalqcebhesi.az -ın xəbərinə görə, Krallığın iqtisadiyyat naziri Karlos Kuerpo bildirib ki, proqram dörd əsas istiqaməti əhatə edir. Vəsaitin ən böyük hissəsi — 118 milyon avro miqrantların qəbulu sisteminin gücləndirilməsinə və müşayiətsiz gələn həddi-büluğa çatmayanların yerləşdirilməsinə yönəldiləcək. Təhlükəsizliyin gücləndirilməsinə, o cümlədən hüquq-mühafizə orqanlarına dəstək və silahlı qüvvələrin resurslarının artırılmasına daha 90 milyon avro ayrılıb. Bundan əlavə, 21 milyon avro Seuta və Melilyada əsas xidmətlərin gücləndirilməsinə və infrastruktura yönəldiləcək.

Məryəm Quliyeva