Rusiya hökuməti Ukraynanın sanksiyalarına qarşı cavab tədbirlərinin tətbiq edilməsi ilə bağlı sənəd üzərində işləri yükunlaşdırmaq üzrədir. Rusiya mətbuatının verdiyi xəbərə görə, Ukraynaya qarşı hazırlanan tədbir təxminən 360 şirkətə və 50 fərdi şəxsə təsir göstərəcək.
Məlumata görə, Rusiya hökuməti tərəfindən açıqlanacaq siyahıda "Ukrayna vətəndaşlar üçün çox maraqlı olacaq adlar açıqlanacaq".
Yaxın gələcəkdə sənəd Rusiya Federasiyasının Baş nazirinə imzalanmaq üçün təqdim ediləcək, imzalandıqdan sonra siyahı dərc olunacaq.
Qeyd edək ki, oktyabrın 22-də Vladimir Putin Ukraynanın düşmənçiliyi ilə əlaqədar xüsusi iqtisadi tədbirlər haqqında fərman imzalayıb. Xüsusi iqtisadi tədbirlər Ukraynanın fiziki və hüquqi şəxslərinə qarşı tətbiq edilməlidir.