İtaliya hakimiyyəti ölkənin cənubunda mafiyanın provokasiyası sayəsində qiyamların və etirazların yaranacağından qorxur.
Bu məlumatı İspaniyanın ABC qəzeti yayıb. Bununla bağlı İtaliya Baş naziri Cuzeppe Konte və daxili işlər nazirinə xüsusi hesabat hazırlandığı bildirilib. Hesabatda ölkənin cənubunda potensial üsyan təhlükəsinin olduğu vurğulanıb:
“Hazırda ölkənin cənubundakı kölgə iqtisadiyyatında 4 milyon insan yer alıb. Onlar əmək haqlarını nağd alır və heç bir vergi ödənişi etmirlər. Mafiya məhz bu situasiyadan yararlanmağa hazırlaşır. Artıq indidən Siciliyada supermarketlərin qarətinə dair çağırışlar eşidilir. Apteklərə hücum olmayan gün yoxdur”.