Yaponiya hökuməti koronavirus vaksinlərinin satın alınması üçün 6,3 milyard dollar vəsaitin ayrılması barədə qərar qəbul edib.

Bunu ölkənin Nazirlər Kabinetinin baş katibi Yosihide Suqa deyib.

Onun sözlərinə görə, Yaponiya bununla əlaqədar ABŞ və Böyük Britaniya şirkətləri ilə ilkin müqavilələr imzalayıb.

Müqavilələrə əsasən, Yaponiya “AstraZeneca” və “Pfizer” şirkətlərindən 120 milyon doza eksperimental vaksin əldə edəcək. Bundan başqa, hökumət daha 5 xarici şirkətlə danışıqlar aparır.