ABŞ, Hindistan, Yaponiya və Avstraliya liderləri video formatda danışıqlar aparacaq Dünya

ABŞ, Hindistan, Yaponiya və Avstraliya liderləri video formatda danışıqlar aparacaq

ABŞ, Hindistan, Yaponiya və Avstraliya liderləri martına 12-də video bağlantı vasitəsi ilə danışıqlar aparacaqlar.

Trend-in məlumatına görə, bu barədə brifinqdə Ağ Evin mətbuat katibi Cen Psaki bildirib.

C.Psaki qeyd edib: "Cümə günü səhər [ABŞ Prezidenti Co] Bayden "dördlük" üzrə həmkarları - Yaponiyanın Baş naziri [Yoşihide] Suqa, Hindistanın Baş Naziri [Narendra] Modi və Avstraliyanın Baş Naziri [Skott] Morrison ilə virtual görüş keçirəcəkdir".

Onun sözlərinə görə, danışıqlarda iştirak edənlərin pandemiya, iqtisadi əməkdaşlıq və iqlim dəyişikliyinə qarşı mübarizə daxil olmaqla "geniş spektrli məsələlər" müzakirə edəcəyi gözlənilir.