Polşa prezidenti Andjey Duda bu gün Türkiyəyə səfər edəcək.

Bu barədə Türkiyə Prezidenti Administrasiyasının İctimaiyyətlə Əlaqələr İdarəsindən bildiriblər.

Məlumata əsasən, Polşa prezidentinin səfəri Türkiyə prezidenti Rəcəb Tayyib Ərdoğanın dəvəti əsasında həyata keçirilir.

Bildirilir ki, səfər çərçivəsində nəzərdə tutulan görüşlər zamanı ikitərəfli əlaqələr hərtərəfli nəzərdən keçiriləcək, tərəflər əməkdaşlığı inkişaf etdirmək üçün mümkün addımları müzakirə edəcəklər.

Həmçinin regional və beynəlxalq proseslər ətrafında fikir mübadiləsi aparılacaq və ikitərəfli sənədlərin imzalanması baş tutacaq.