Ombudsman Aparatı uzun müddətdir heç bir təsdiqedici sənədi olmadan Azərbaycan Respublikası ərazisində yaşayan və 18 aydan artıqdır ki, Quba rayon Mərkəzi Xəstəxanasının stasionar şöbəsinə yerləşdirilən, görmə qabiliyyətini itirmiş Seryakov Viktor Semyonoviçin vətəndaşlıq mənsubiyyəti müəyyən edib. Ombudsman Aparatından “Xalq Cəbhəsi”nə verilən məlumata görə, bununla bağlı Müvəkkilin Rusiya Federasiyasının ölkəmizdəki Səfirliyinə müraciəti nəticəsində həmin ölkənin Vladimir şəhərində anadan olmuş V.Seryakovun RF vətəndaşlığına mənsubiyyətinin tanındığı məlum olub. Onun pasportla təmin edilməsi məqsədilə həmin Səfirlik tərəfindən sonuncunun adına Qayıdış şəhadətnaməsi rəsmiləşdirilib. Bununla yanaşı, həmin şəhadətnamənin surəti, həmçinin V.Seryakovun səhhəti ilə bağlı epikriz və digər tibbi sənədləri Quba rayon Mərkəzi Xəstəxanasının baş həkimi tərəfindən təsdiq edilərək Vladimir vilayətinin Ombudsmanına göndərilib.
V.Seryakovun RF-nın Vladimir vilayətində qohumlarının və qalmağa yerinin olmadığını nəzərə alaraq, Müvəkkilin Rusiya Federasiyasının və Vladimir vilayətinin Ombudsmanlarına müraciətindən sonra onun Vladimir şəhərində yerləşən “Yaşayış yeri olmayan şəxslərin reabilitasiya mərkəzi” dövlət sosial müəssisəsinə qəbul olunması məsələsi həll edilib.
V.Seryakov Quba rayon Mərkəzi Xəstəxanasında olan müddət ərzində onun fiziki, tibbi və prixoloji durumu, ehtiyaclarının ödənilməsi məsələlələri diqqətdə saxlanılıb, habelə Müvəkkilin tapşırığı əsasında Ombudsmanının Quba Regional Mərkəzinin təhbəri Bəhruz Əfəndiyev tərəfindən bu istiqamətdə müvafiq tədbirlər görülüb.
Jurnalistlərin və həkimlərin iştirakı ilə mətbuata müsahibə vermiş V.Seryakov saxlanılma şəraiti, ona qarşı rəftar, vaxtlı-vaxtında tibbi xidmətlə təmin olunmasından öz razılığını və minnətdarlığını bildirib.
V.Seryakov Müvəkkilin nəzarəti altında öz vətəninə yola salınıb.