Polşada Amerika qoşunlarının yeni daimi bazasında 5 min hərbi qulluqçu yerləşdiriləcək.

Xalqcebhesi.az xəbər verir ki, bu barədə Polşa Müdafiə Nazirliyinin rəis müavini Pavel Beyda "RMF FM" radiostansiyasının efirində bəyan edib.

"Daimi bazaya gəldikdə, söhbət 5 min hərbi qulluqçudan gedir", — deyə Beyda bildirib. Polşa müdafiə idarəsinin nümayəndəsi dəqiqləşdirib ki, məhz hansı qoşunların yerləşdiriləcəyi və dəqiq neçə bazanın — bir, yoxsa bir neçə — olacağı barədə qərar NATO səviyyəsində qəbul ediləcək.

O cümlədən qeyd edib ki, müsbət qərar qəbul edildikdən sonra bazanın özünün yaranması bir neçə il çəkə bilər. Beyda vurğulayıb ki, bazanın tikintisi ilə bağlı bütün xərcləri Polşa öz üzərinə götürəcək, xərclər isə 10 milyard zlotıdan ($2,7 milyard) çox təşkil edə bilər.

Məryəm Quliyeva