Noyabrda Milli Məclisin payız sessiyasının 4 plenar iclası keçiriləcək. Bu barədə Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov məlumat verib. Deputat bildirib ki, noyabrın 7-də Milli Məclisin komitələrinin birgə iclasında 2018-ci il üzrə Azərbaycanın dövlət və icmal büdcəsinin layihələri müzakirə başlayacaq. Müzakirələr iki gün davam edəcək. V.Əhmədov qeyd edib ki, noyabrın 14-də Milli Məclisin payız sessiyasının növbəti iclası keçiriləcək. "Həmçinin noyabrın 21, 22, 23-də büdcə zərfinin layihəsi hökumət nümayəndələri ilə birlikdə Milli Məclisin plenar iclasında müzakirəyə çıxarılacaq".