Avqustun 18-də Müsavatın Qurultaya Hazırlıq üzrə təşkilat Komitəsinin iclası keçirilib. Partiya daxilindən mətbuata sızan məlumata görə, iclas əvvəldən sona qədər qalmaqalla keçib. Başqanlığa potensial namizədlər Arif Hacılı və Qubad İbadoğlu arasında qalmaqal xeyli böyüyüb.
Bildirildiyinə görə, Arif Hacılı Qubad İbadoğlunu "sən QHT sektorunda milyonlar qazanırsan, partiyaya nə xidmətin keçib ki, başqan olmaq istəyirsən?" deyə ittiham edib. Q.İbadoğlu isə "sənin hansı bankda nə qədər pulun, harada villan varsa, açıb tökərəm" cavabını verib. Qeyd olunur ki, bundan sonra A.Hacılı Qubad İbadoğlunun üzərinə hücum edib, lakin ətrafdakılar əlbəyaxa davanın qarşısını alıblar.
Elə həmin icalsdaca Tural Abbaslı İsa Qəmbəri Hüseyn Məlikovu müşavirlikdən çıxartmaqla partiyanın maraqlarına zərbə vurmaqda ittiham edib. Başqan isə "bu mənim səlahiyyətimdir, sən münasibət bildirə bilməzsən, kim istəyirsə, partiyadan getsin" cavabını verib.
Vurğun Əyyub isə açıq şəkildə İsa Qəmbəri partiyanı dağıtmaqda suçlayıb: "Arif Hacılını sən müdafiə edirsən, əlini çəksən, o, məhv olacaq".
İsa Qəmbər isə vəziyyətin gərginləşdiyini görərək, "Quran" çıxarıb ki, qarşı tərəflər partiyadan getməyəcəklərilə bağlı kitaba əl bassınlar. O da qeyd olunur ki, sonda Arif Hacılının "başqan olmasam, partiyanı dağıdacağam" hədəsi yenidən qalmaqala səbəb olub.