Bakı Şəhər Gənclər və İdman Baş İdarəsi (BŞGİBİ) tərəfindən Abşeron Olimpiya İdman Kompleksində Sabir Hüseynovun xatirəsinə həsr olunmuş 2002-2003-cü il təvəllüdlü idmançılar arasında sambo üzrə açıq paytaxt turniri keçirilib. BŞGİBİ-dən bildiriblər ki, turnirdə 172 idmançı 10 çəki dərəcəsi üzrə mübarizə aparıb. Gərgin idman mübarizəsi şəraitində keçən yarışda İlkin Həsənli (42 kq), Rəşad Salayev (46 kq), Orxan Qəhrəmanov (50 kq), Elşən Əsədov (55 kq), Rəvan Rüstəmli (60 kq), Təbriz Səyyadov (66 kq), Adil Adilzadə (72 kq), Cahangir Məmmədov (78 kq), Murad Məmmədov (84 kq) və Məhəmməd Məmmədzadə (84 kq-dan yuxarı) fəxri kürsünün ən yüksək pilləsinə qalxıblar. İlk üç yeri tutan idmançılar Baş İdarə tərəfindən müvafiq dərəcəli diplom və xatirə hədiyyələri ilə mükafatlandırılıblar.