CNN ərəb jurnalistin səs yazısı ilə bağlı məlumat yayıb. Səudiyyə Ərəbistanından olan jurnalist Camal Kaşıkçının ölüm qabağı dediyi son sözlər bəlli olub. İstanbuldakı Səudiyyə Ərəbistanı konsulluğunda qətlə yetirilən jurnalist son dəfə nəfəs ala bilmədiyini deyib. Onun sözn sözlərini CNN kanalı öz mənbəsinə istinadla yayıb.
Mənbənin məlumatına görə, cinayət əvvəlcədən planlaşdırılıb. Jurnalist qatilləri ilə mübarizə aparmağa çalışır. Audioyazıda jurnalistlə əlbəyaxa və sonradan onun meyitinin doğranması anının səs-küyünü boğmaq üçün xüsusi olaraq qoşulmuş musiqi səsi eşidilir.
Xatırladaq ki, Camal Kaşıkçı oktyabrın 2-də konsulluq binasına daxil olub və bir daha oradan çıxmayıb. Bu hadisədən 20 gün sonra isə Səudiyyə tərəfi onun öldüyü barədə rəsmi məlumat yayaıb. Onun öldürülməsinin sifarişində Səudiyyə Ərəbistanının vəliəhd şahzadəsi Məhəmməd bin-Salmanın adı hallanır.