İranın neft ixracı elə bir səviyyəyə düşdü ki... – Pompeo Dünya

İranın neft ixracı elə bir səviyyəyə düşdü ki... – Pompeo

İyun və iyulda ixrac edilən İran nefti sanksiyalar nəticəsində sutkada 500 min barrelə qədər aşağı düşüb.
Axar.az xəbər verir ki, bunu ABŞ Dövlət katibi Mayk Pompeo ASEAN ölkələrinin xarici işlər nazirlərinin iclasında çıxışı zamanı deyib. Onun sözlərinə görə, bu, Ağ Evin siyasətinin effektivliyini sübuta yetirir:
“Sanksiyalara qədər İran sutkada 2,7 milyon barrel neft ixrac edib. İyun və iyul aylarında bu göstərici 500 min barreldən az olub. Biz bundan sonra da İrana sanksiya rejimini pozan dövlət və şirkətlərə qarşı məhdudiyyətləri davam etdirəcəyik”.
Qeyd edək ki, bundan öncə Beynəlxalq Energetika Agentliyi İranın neft ixracının may ayında sutkalıq 810 min barrelə düşdüyünü açıqlamışdı.