Hindistan koronavirusa yoluxma sayına görə İtaliya və İspaniyanı ötüb Dünya

Hindistan koronavirusa yoluxma sayına görə İtaliya və İspaniyanı ötüb

Hindistan yeni növ koronavirus infeksiyasına (COVID-19) yoluxma sayına görə İtaliya və İspaniyanı qabaqlayaraq dünyada beşinci yerə yüksəlib.
Bu barədə Con Hopkins Universiteti məlumat yayıb.
Bildirilib ki, Hindistanda son sutka ərzində koronavirusa 9,9 min yoluxma halı qeydə alınıb, bununla da ölkədə virusa yoluxanların sayı 276 583 nəfərə çatıb.
Son sutka ərzində xəstəlikdən 279 nəfər həyatını itirib. Hindistanda koronavirusdan ölənlərin sayı 7745 nəfərdir.
Hazırda 133 632 nəfərin müalicəsi davam edir, koronavirusdan 135 205 nəfər sağalıb.