“Tarif Şurasına müraciət etməmişik” Hadisə

“Tarif Şurasına müraciət etməmişik”

Rövnəq Abdullayev təbii qazın qiymətlərinin artması məsələsinə aydınlıq gətirib

"ARDNŞ Tarif (qiymət) Şurasına ölkənin daxili bazarında təbii qazın qiymətlərinin artırılması barədə təkliflə müraciət etməyib". Bu barədə çərşənbə axşamı şirkətin rəhbəri Rövnəq Abdullayev jurnalistlərə deyib.
2013-cü il dekabrın əvvəlində Tarif Şurası müəssisələr üçün təbii qazın topdan satışı üzrə qiymətlərini bir min kubmetr üçün 42 manatdan 80 manatadək artırıb. Qazın pərakəndə satış qiyməti bir min kubmetr üçün 100 manat təşkil edir.
2013-cü ildə "Azəriqaz" İB əhali qrupundan olan istehlakçılara 22 milyard kubmetr qaz satıb.
2014-cü il yanvarın 1-nə olan məlumata görə, Azərbaycanın qaz operatorunun abonentlərinin sayı 1 647 906 nəfər təşkil edib. Abonentlərin ümumi sayından 1 628 076 əhali kateqoriyasının, 19 830 abonent isə digər kateqoriyaların payına düşür.