Ekologiya və Təbii Sərvətlər Nazirliyinin 6 saylı Regional Ekologiya və Təbii Sərvətlər İdarəsinə Qəbələ rayonunun Soltanmuxa kəndi yaxınlığında ayı ətinin satılması ilə bağlı daxil olan məlumatı nazirliyin əməkdaşları yerində araşdırıblar.
Nazirliyin mətbuat xidmətindən bildiriblər ki, araşdırma zamanı “VAZ-2106” markalı 36-BL-273 dövlət nömrə nişanlı avtomobilin yük yerində ət aşkar edilib və mütəxəssislər tərəfindən ayı əti olduğu təsdiqlənib. Avtomobilin sahibi Qəbələ rayonu Tikanlı kənd sakini Səyahət Şəfiyev barəsində akt tərtib olunub.
Məsələyə hüquqi qiymət verilməsi və qanunauyğun tədbirlərin görülməsi üçün araşdırma materialları Qəbələ Rayon Prokurorluğuna göndərilib.