Bakının Sabunçu rayonunda yol-nəqliyyatı hadisəsi zamanı bir nəfər ağır xəsarət alıb.

Hadisə Maştağa qəsəbəsində baş verib.
1995-ci il təvəllüdlü Mehdiyeva Minayə Hacı qızı yolun piyadalar üçün müəyyən edilməmiş hissəsindən keçərkən onu minik avtomobili vurub. Yaralı hər iki ayaq sümüyünün sınığı diaqnozu ilə xəstəxananın reanimasiya şöbəsinə yerləşdirilib.

Baş vermiş hadisə ilə bağlı Sabunçu Rayon Polis İdarəsinin əməkdaşları araşdırma aparır.