Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 6 nömrəli filialı yeni daxil olan kitabların sərgisini təşkil edib.

İdarədən AZƏRTAC-a bildirilib ki, sərgidə Azərbaycan yazıçılarının əsərləri ilə bərabər Türkiyə yazıçılarının da yeni kitabları sərgilənib. Eyni zamanda Azərbaycan yazıçılarının əcnəbi dillərdə nəşr olunan kitabları da sərgiyə özünəməxsus rəng qatıb. Görkəmli bəstəkarlarımızın əsərləri oxuculara nümayiş etdirilib.

Kitabxanaya günboyu gələn çoxsaylı oxucular yeni daxil olan ədəbiyyatlarla tanış olublar, kitab icmalını maraqla dinləyiblər.