“Rust” filminin çəkilişləri başa çatıb.

APA TASS-a istinadən xəbər verir ki, bu barədə ABŞ aktyoru Alek Bolduin özünün sosial media hesabında paylaşım edib.

O, ekran işində rol alan personajlardan ikisinin şəklini paylaşaraq filmin çəkilişlərinin bitməsinə işarə edib.

Xatırladaq ki, 2021-ci ilin oktyabrında “Rust” filminin çəkilişləri zamanı Alek Bolduin yanlışlıqla həqiqi güllə ilə doldurulmuş tapançadan atəş açaraq operator Qalina Hatçinsi yaralamış, nəticədə operator xəstəxanada dünyasını dəyişmişdi.

Daha sonra mərhumun yaxınları aktyoru qəsdən adam öldürməkdə ittiham edərək məhkəməyə müraciət ediblər. Bir il sonra Hatçins ailəsi və Hollivud ulduzu barışıq anlaşması əldə edə biliblər.