Görkəmli Azərbaycan memarları Mikayıl Hüseynov və Sadıq Dadaşovun birgə abidəsinin hazırlanması ilə bağlı açıq müsabiqəyə 13 əsər təqdim olunub.

Xalqcebhesi.az xəbər verir ki, bu barədə Report-un sorğusuna cavab olaraq Mədəniyyət Nazirliyindən məlumat verilib.

Qeyd edək ki, abidənin Səbail rayonunda Neftçilər prospekti ilə Şövkət Ələkbərova küçəsinin kəsişməsində, Bakı funikulyoru ilə üzbəüz yaşayış binasının yaxınlığındakı parkda qoyulması nəzərdə tutulur.

Xatırladaq ki, Prezident İlham Əliyev 2022-ci il oktyabrın 8-də görkəmli Azərbaycan memarları Mikayıl Ələsgər oğlu Hüseynovun və Sadıq Ələkbər oğlu Dadaşovun xatirələrinin əbədiləşdirilməsi məqsədilə birgə abidəsinin ucaldılması ilə bağlı Sərəncam imzalayıb.

Mədəniyyət Nazirliyi bu məqsədlə Bakı şəhərində ucaldılacaq abidənin eskiz-layihələrinin hazırlanması üçün heykəltəraşlar arasında açıq müsabiqə elan edib.