ABŞ Minskə səfirliyini geri qaytarmaq niyyətindədir.

Xalqcebhesi.az xəbər verir ki, bu barədə ABŞ prezidenti Donald Trampın nümayəndəsi Con Koul Belarus prezidenti Aleksandr Lukaşenko ilə görüşdən sonra bildirib.

"Biz Minskə səfirliyimizi geri qaytarmaq istəyirik. Biz istəyirik ki, ölkələrimiz arasında iqtisadi əlaqələr inkişaf etsin, ticarət artsın", – deyə Koul açıqlama verib.

Amerikalı liderin nümayəndəsi əlavə edib ki, ABŞ və Belarus arasındakı əlaqələri normallaşdırmaq üçün "hələ çox iş görülə bilər". Onun sözlərinə görə,

Vaşinqton ilə Minsk arasında hələ də fikir ayrılıqları var, amma bunları "səthə çıxarmaq" lazım deyil.

Məryəm Quliyeva