Ukraynanın təhlükəsizlik zəmanətləri Rusiya tərəfindən diktə edilə bilməz.

Xalqcebhesi.az xəbər verir ki, bu barədə Ukrayna lideri Volodimir Zelenski "TSN.Tıjden" telekanalına müsahibəsindən sonra öz "Telegram" kanalında yazıb.

Siyasətçi bəyan edib ki, respublika ordusunun məhdudlaşdırılması və onun neytrallığı müzakirə mövzusu deyil.

"Ərazi məsələləri - yalnız liderlər səviyyəsində müzakirə oluna biləcək qırmızı xəttdir", - deyə dövlət başçısı qeyd edib.

O bildirib ki, ABŞ uzun müddətdir "ərazilərin dəyişdirilməsi" məsələsini qaldırır, lakin bununla yanaşı başqa təkliflər də var.

"Hər kəs anlamalıdır: birincisi - biz heç nəyi heç nəyə dəyişmirik. Biz müzakirələrə hazırıq",-— deyə V.Zelenski əlavə edib.

Məryəm Quliyeva