Bu məsləyəyə, ötən on il ərzində nəzər yetirdikdə görürük ki, İran 2015-ci il JCPOA sazişindən sonra öhdəliklərini tam yerinə yetirməmiş, uranı zənginləşdirməyə davam etdirib. Fikrimcə, Trampın bu fikiri rəsmi Tehran razılaşmayacaq çünki İran rəhbərliyi nüvə proqramını milli suverenlik və təhlükəsizlik məsələsi kimi görür. Bu səbəbdən tam imtina daxildə ciddi müqavimət doğura bilər.

Bunu xalqcebhesi.az-a politoloq Aydın Tağıyev
Trampın İranın danışıqlar zamanı nüvə silahı hazırlamamaq və satın almamaq öhdəliyini qəbul etdiyi fikrinə münasibətində deyib.

Xatırladaq ki, "Fox News"a müsahibəsində Tramp deyib ki, ilkin mərhələdə İran yalnız nüvə silahı istehsal etməyəcəyini bəyan edib.

ABŞ liderinin sözlərinə görə, bundan sonra saziş layihəsinə İranın nüvə silahını nə hazırlayacağı, nə də hər hansı formada əldə edəcəyi barədə müddəa əlavə olunub.

O, bunun mühüm dəyişiklik olduğunu vurğulayıb. Tramp həmçinin bildirib ki, potensial razılaşma imzalandıqdan dərhal sonra Hörmüz boğazının açılmasını da nəzərdə tutur.

"Hesab edirəm ki, İranın tam nüvə silahından imtina etməsi real deyil, amma iqtisadi və siyasi təzyiqlər onu müvəqqəti güzəştlərə məcbur edə bilər. ABŞ isə bu razılaşmanı həm enerji bazarlarını sabitləşdirmək, həm də regional üstünlüyünü qorumaq üçün istifadə etməyə çalışır. Bu prosesslərin real nəticəsi olacağı inadırcı görünmür" - politoloq vurğulayıb.

Cavid