Builki sərgilərə xarici şirkətlər tərəfindən böyük maraq var - Nazir İqtisadiyyat

Builki sərgilərə xarici şirkətlər tərəfindən böyük maraq var - Nazir

Bu gün Bakıda işə başlamış 15-ci Azərbaycan Beynəlxalq Kənd Təsərrüfatı Sərgisi - “Caspian Agro” və 27-ci Azərbaycan Beynəlxalq Qida Sənayesi Sərgisi - “InterFood Azerbaijan” indiyə qədər təşkil edilmiş ən böyük sərgilərdir.

Trend-in məlumatına görə, bunu kənd təsərrüfatı naziri İnam Kərimov sərgilərin açılışında deyib.

Nazir bildirib ki, sərgilərə xarici şirkətlər tərəfindən böyük maraq var. Onun sözlərinə görə, sərgilərdə 25-ə yaxın ölkədən təxminən 450 şirkət iştirak edir.

“Bunun da 350-si xarici şirkətdir. Onların bu sərgilərə maraq göstərməsi Azərbaycanda aqrar sahənin inkişaf etməsidir, bu sahəyə dövlət dəstəyinin olmasıdır. Əsas məqsədimiz fermerləri sərgidə təqdim edilən yeniliklərlə tanış etməkdir”, - deyə İ.Kərimov bildirib.

Nazir qeyd edib ki, İsrailin və Türkiyənin kənd təsərrüfatı nazirləri, digər qonaqlar Bakıdadır. Sərgilər çərçivəsində ikitərəfli əməkdaşlıq məsələləri müzakirə ediləcək.