Bu gün Azərbaycan bərpa olunan enerji sahəsində əməkdaşlığın genişləndirilməsi ilə bağlı Birləşmiş Ərəb Əmirlikləri (BƏƏ) ilə intensiv danışıqlar aparır.

Trend-in məlumatına görə, bunu energetika naziri Pərviz Şahbazov ərəb KİV-lərinə müsahibəsində deyib.

"Biz həm Azərbaycanda, həm də BƏƏ-də əməkdaşlıq və birgə investisiya imkanlarını müzakirə edirik. Bir müddət əvvəl 230 meqavatt gücündə yeni günəş elektrik stansiyasının təməli qoyulub. Bu, bərpa olunan enerji sahəsində Azərbaycanda 100 faiz BƏƏ-nin investisiyaları ilə icra olunan ilk sənaye layihəsidir. Bizim bu baxımdan ambisiyalı planlarımız var və biz bu uğurlu əməkdaşlığı davam etdirmək niyyətindəyik", - nazir deyib.