“Azərbaycan və Çexiya faydalı əməkdaşlıq edir. Sənaye, o cümlədən avtomobil sənayesi, nəqliyyat-tranzit və digər istiqamətlərdə tərəfdaşlıq üçün geniş imkanlar var”. İqtisadiyyat Nazirliyindən xalqcəbhəsi.az-a verilən məlumata görə, bunu Çex Respublikası Parlamentinin Deputatlar Palatasının Çexiya-Azərbaycan parlamentlərarası dostluq qrupunun rəhbəri Yan Kubik İqtisadiyyat nazirinin müavini, Azərbaycan Respublikası Hökuməti ilə Çex Respublikası Hökuməti arasında iqtisadi, elmi-texniki və mədəni əməkdaşlıq üzrə Qarışıq Komissiyanın həmsədri Sahib Məmmədov ilə görüşündə deyib. Y.Kubik Çexiyada Azərbaycanla əməkdaşlıqda maraqlı olan şirkətlərin fəaliyyət istiqamətləri barədə danışıb.