Rusiya Nəqliyyat Nazirliyində Azərbaycanın rəqəmsal inkişaf və nəqliyyat naziri Rəşad Nəbiyev və Rusiyanın nəqliyyat naziri Roman Starovoit arasında görüş keçirilib.

APA-nın Moskva müxbiri xəbər verir ki, iclasın sonunda nazirlər Rusiya Baş nazirinin müavini Vitali Savelyevin iştirakı ilə “Şimal-Cənub” Beynəlxalq Nəqliyyat Dəhlizi üzrə tranzit yükdaşımaların inkişafı üzrə Azərbaycan-Rusiya hökumətlərarası əməkdaşlıq sazişini imzalayıblar.

Qeyd olunub ki, saziş iki ölkə arasında dəmir yolu infrastrukturunun və tranzit daşımalarının inkişafı üzrə əməkdaşlığın şərtlərini müəyyən edir. Onun məqsədi nəqliyyat əlaqələrinin səmərəliliyini artırmaq və Şimal-Cənub nəqliyyat dəhlizinin qərb marşrutunun potensialını artırmaqdır.