TAP layihəsi çərçivəsində mikrotunel tikintisi başa çatıb.
Trend-in konsorsiuma istinadən verdiyi məlumata görə, Trans-Adriatik Boru Kəməri Konsorsiumu (TAP) İtaliyanın Puglia bölgəsindəki San Foca çimərliyində mikrotunel inşaatını başa çatdırıb.
Yaxın aylarda tuneldə boru kəmərinin çəkiləcəyi bildirilir.
Bu işlər vətəndaşların və turistlərin gündəlik həyatına maneə törətmir.
Qeyd edək ki, dəyəri 4,5 milyard avro məbləğində ölçülən TAP “Cənub Qaz Dəhlizi” layihəsinin tərkib hissəsidir.