Dünya bazarlarında neftin qiymətləri ötən gün 24-25 faiz azaldıqdan sonra səhər saatlarında korreksiya nəticəsində 7 faiz bahalaşır.
“Brent” markalı neftin may fyuçersləri 7,33 faiz artaraq 36,88 dollar/barelə bərabər olub.
WTI (West Texas Intermediate) markalı neftin aprel fyuçersləri isə 6,91 faiz bahalaşıb və 33,28 dollar/barel təşkil edib.
Xatırladaq ki, ötən gün “Brent” markalı neftin qiyməti 30 faizədək azalıb. Bu, 1991-ci ilin yanvarından neft qiymətinin ən kəskin azalması olub.