Dünyada yayılmış koronavirus (COVİD-19) infeksiyasının xarici iqtisadi fəaliyyətlə məşğul olan sahibkarlara mümkün təsirlərinin azaldılması və bu sahədə yerli sahibkarlara dəstək göstərmək üçün Azərbaycan Respublikasının Kiçik və Orta Biznesin İnkişafı Agentliyi “PAŞA Bank” ASC ilə birgə təşəbbüs irəli sürüb.
Agentlikdən verilən məlumata görə, Çin Xalq Respublikası ilə ticarət əlaqələri olan yerli sahibkarların son zamanlar üzləşdikləri maliyyə çətinlikləri nəzərə alınaraq, “PAŞA Bank”ın müştəriləri olan yerli sahibkarlara, xüsusilə də kiçik və orta biznes subyektlərinə bu istiqamətdə həyata keçirdikləri pul köçürmələri üzrə komissiya 0,2%-a endirilib.
Çinlə biznes əlaqələri olan “Paşa Bank” müştəriləri https://lnkd.in/eFHduin linkinə daxil olmaqla bu güzəştdən onlayn rejimdə istifadə edə bilər.