Avropa iqtisadiyyatı yeni növ koronavirus (COVID-19) pandemiyası səbəbindən görünməmiş bir geriləmə yaşayacaq.
"APA-Economics"in Rusiya mətbuatına istinadən verdiyi məlumata görə, bu barədə Avropa Mərkəzi Bankının (ECB) sədri Kristin Laqard söyləyib.
Bankın proqnoza görə, Avrozonada ÜDM 2020-ci ildə 5-12% azala bilər. Kəskin azalmanın bu ilin II rübündə qeydə alınacağı proqnozlaşdırılır.
"Ən pis halda, Avrozonada ÜDM 15%-ə enə bilər. Avropa iqtisadiyyatı 2021-ci ildə koronavirus böhranından sonra bərpa olunmağa başlayacaq",- deyə K. Laqard qeyd edib.