Belarusun Mozır neft emalı zavodu üçün Azərbaycan neftini daşıyan növbəti tanker Ukraynanın “Yujnı” limanına çatıb.

Trend-in məlumatına görə, bunu “Belneftexim” şirkətinin mətbuat katibi Aleksandr Tişşenko deyib.

Onun sözlərinə görə, hazırda tankerin boşaldılması davam edir.

Neft Mozır neft emalı zavoduna oktyabrın ikinci yarısında çatacaq.

Qeyd edək ki, 2020-ci il ərzində Azərbaycan Dövlət Neft Şirkətinin (SOCAR) Belarusa 1 milyon ton neftin tədarük etməsi nəzərdə tutulur.