Sahib Alıyev: “Aşqabadda keçirilən sammitdə bu reallıq bir daha təsbit edildi”

“Xəzərin kəşf edilmiş karbohidrogen ehtiyatı 2,95 milyard ton neft və 3,1 trilyon kubmetr qazdan ibarətdir. İndiyədək oradan 1,5 milyard ton şərti yanacaq çıxarılıb ki, 25-30 faizi neft, qalanı isə qaz və kondensatdır”. Xalqcəbhəsi.az xəbər verir ki, bu fikirləri millət vəkili Sahib Alıyev deyib. S.Aliyev əlavə edib ki, ancaq mütəxəssislər onun karbohidrogen ehtiyatlarının kəşf ediləndən qat-qat çox olduğunu (26-40 milyard ton şərti yanacaq) bildirirlər: “Göründüyü kimi Xəzər hələ zəngin bioehyiyyatlarını nəzərə almasaq, dünyanın ən qiymətli su hövzəsidir, yəni çox "yağlı tikə"dir. Harada "yağlı tikə" varsa, orada qarşıdurma, çəkişmə olur. Xəzəryanı dövlətlərin belə çəkişmələrdən qaça bilmələri, onu sülh və əməkdaşlıq dənizinə çevirmələri böyük diplomatik uğurdur ki, Aşqabadda keçirilən sammitdə bu reallıq bir daha təsbit edildi. Sammitdə diqqət çəkən xeyli maraqlı məqamlar var”.