Qarabağda Rusiya sülhməramlı qüvvələrinin müvəqqəti nəzarət etdiyi ərazilərdən Azərbaycan ordusunun mövqelərini intensiv atəşə tutan silahlı erməni birləşmələrinin tam ləğvi yaxınlaşir. Ermənistan öz silahlı qüvvələrini buradan çıxardıqdan sonra "müdafiə ordusu" adı altında terrorçu qüvvələrin saxlanılacağı deyilir. Həmin terrorçu qüvvələrə qarşı anti-terror əməliyyatı keçirməsi Azərbaycanın legitim hüququdur. Bu anti-terror əməliyyatına Rusiya sülhməramlı qüvvələri maneə ola bilməz.

Bunu politoloq Məhəmməd Əsədullazadə deyib.

Ümumiyyətlə, növbəti müqavilə bitdiyindən sonra Rusiya sülhməramlı qüvvələri Qarabağdan çıxmağa məcbur olacaq: "Ona görə Azərbaycan situasiyanı ona uyğun idarə etməlidir.
Ermənistan silahlı qüvvələrinin qalıqları çıxacaqsa, başqa bir ad altında yeni silahlı birləşmələr qalması Azərbaycanın suverenliyi və təhlükəsizliyi üçün təhdiddir.

Qeyd edim ki, separatçıların lideri Arayik Arutunyanda yolun sonuna çatdığının fərqindədir və onun Qarabağı tərk edəcəyi, Qarabağ klanına qoşulub, Ermənistanda hakimiyyətə qarşı müxalif qüvvələrə qoşulacağı gözlənilir. Qarabağda situasiya nə Cənubi Osetiya, nə də Abxaziyaya bənzəyir. Rusiya burada qala bilməyəcək".
Cavid