Fransa Milli Assambleyasının qəbul etdiyi Azərbaycan əleyhinə qətnaməsi Parisə etimadı sarsıdır.

Bunu Trend-ə açıqlamasında fransalı senator Natali Qule bildirib.

O, Senatın 296 üzvü arasında bu qətnamənin əleyhinə səs verən yeganə şəxs idi.

"Onlar yalnız bir tərəfə qulaq asırlar. Fransa erməni lobbisinin təsiri altındadır", - senator bildirib.

Qule qeyd edib ki, bu qətnamə Qarabağın Azərbaycan ərazisi olması faktını dəyişməyəcək.

"Bu qətnamə yalnız ölkəmin etimadını sarsıdacaq. Mən hamı ilə təkbaşına mübarizə apara bilmərəm" deyə o, bildirib.