“Ukraynanın yaşadığını Azərbaycan 30 il bundan əvvəl yaşayıb. Təssüf ki, Azərbaycanın dağıdılmış şəhər və kəndlərinin bərpası üzrə belə bir konfrans çağırılmadı”. Xalqcəbhəsi.az xəbər verir ki, bunu politoloq Məhəmməd Əsədullazadə Böyük Britaniyada keçirilən Ukraynanın bərpası konfransı ilə bağlı danışarkən deyib. Politoloq bildirib ki, ikili standartlar mövcud olmaqda davam edir: “Azərbaycanın belə bir konfransda iştirak etməsi, bir növ mənəvi borcudur. Biz bu tribunadan Ermənistanın Azərbaycana qarşı eyni ilə Ukraynadakı kimi dağılmış şəhərlər barədə məlumat verə bilərik”.