“Bu il ölkəmizdə mühüm və əlamətdar hadisələrlə yadda qalıb”.
Xalqcəbhəsi.az xəbər verir ki, bunu Milli Məclisin bu gün keçirilən plenar iclasında çıxışı zamanı deputat Naqif Həmzəyev deyib.
N.Həmzəyev bildirib ki, işğaldan azad olunmuş ərazilərdə quruculuq işləri davam edir: “Uzun illər məcburi köçkün kimi yaşayan soydaşlarımız öz doğma torpaqlarına qayıdır.
Qarabağ Universitetinin açılışı həyata keçirildi. Bu təkcə təhsillə bağlı deyil, həm də Azərbaycanın suverenliyinin möhkəmləndirilməsi istiqamətində mühüm bir addımdır.
Azərbaycanın inkişafı və yeni reallıqları qəbul etmək istəməyən sapı özümüzdən olan baltaların arzuları ürəklərində qalacaq”.

Xalqcəbhəsi.az