Sentyabrın 27-də atəşkəsin imzalanması ətraf yeddi rayonun Azərbaycana verilməsini nəzərdə tuturdu və biz buna gedə bilməzdik.

Trend-in erməni KİV-lərinə istinadən məlumatına görə, bunu Ermənistanın baş naziri Nikol Paşinyan “Facebook” səhifəsində canlı yayım zamanı deyib.

O əlavə edib: “Biz buna gedə bilməzdik, çünki inanırdıq ki, atəşkəsin pozulmasında maraqlı olan tərəfin bizim olmadığımızı sübut edə və Azərbaycanı sülhə vadar edə bilərik. Təəssüf ki, bu, baş vermədi”.

O bildirib ki, müharibədən qaçmağın bir yolu var idi:

“Bu yol Qarabağın statusu müəyyən olunmadan beş rayonun verilməsi idi. Bu irs bizə əvvəlki hökumətdən qalmışdı. 1994-95-ci illərdən başlayaraq, yalnız bir şey aydın idi: yeddi rayonu Azərbaycana vermək lazım idi. Danışıqlarda tək dəqiq tezis bu idi”.