Mirzə Ələkbər Sabir Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirdiyi “Sabir gözü ilə: media və reklamlarda Azərbaycan dilinin pozulmasına tənqidi baxış (monitorinq)” layihəsinin icrasını tamamlayıb.

3 ay müddətində həyata keçirilən layihə çərçivəsində media subyektlərində və Bakıda reklamlarda dil pozuntularının monitorinqi olub. Monitorinq nəticəsində hər iki fəaliyyət istiqaməti üzrə hesabat hazırlanıb. Layihə çərçivəsində televizya və radio verilişlərində, eləcə də dəyirmi masalarda bu mövzu üzrə müzakirələr aparılıb.

Həmçinin jurnalistlər üçün dəyirmi masalar keçirilib. Bu tədbirlərdə jurnalistlərə tövsiyələr verilib, praktiki iş rejimində yazılarda ədəbi dil normalarına əməl olunması qaydaları haqqında danışılıb. Bununla yanaşı, KİV-də məqalə, video və radio müsahibələrlə də təbliğati və maarifləndirici çıxışlar edilib.