"Elm yalnız laboratoriyalarda deyil, cəsarətli suallarla başlayır. Qızların elmə marağı istedad çatışmazlığından deyil, stereotiplərin kölgəsində qalmasından qaynaqlanır. Halbuki riyaziyyat, texnologiya, mühəndislik və təbiət elmləri hər kəs üçün açıqdır. Qızların elmdə iştirakı təkcə bərabərlik deyil, həm də daha yaradıcı və güclü gələcək deməkdir".

Bu sözləri “İnkişafa və İslahatlara Dəstək” İctimai Birliyinin sədri Ramil Əliyev QHT.az-a açıqlamasında bildirib. QHt sədri bildirib ki, hər bir qız bilməlidir ki, elm sənin üçün də var — sənin səsin və ideyaların elmə lazımdır.

Qeyd edək ki, BMT Baş Assambleyasının 2015-ci il dekabrın 22-də qəbul etdiyi qətnaməyə əsasən, hər il fevralın 11-i Qadınlar və Qızlar Elmdə Beynəlxalq Günü kimi təntənə ilə keçirilir.