İranda şəriətə uyğun geyim qaydalarını pozanlara qarşı cəzalar artıb.

Gunaz.tv

Hökumət rəsmilərinin məcburi hicab qaydalarını pozanların cəzalandırılması ilə bağlı çıxışlarından sonra iş yerlərinin bağlanması halları çoxalıb.

Bununla bağlı yerli media və sosial şəbəkə fəalları məlumat yayıb.

Məlumata görə, məcburi hicab qaydalarını pozan müştərilərə xidmət göstərdiyi üçün Təbrizin məşhur "İzmir" restoranının fəaliyyətinə qadağa qoyulub.

Qeyd edək ki, son bir neçə ay ərzində Şərqi Azərbaycan əyalətində məcburi hicab qaydaları pozan müştərilərə xidmət göstərən, musiqi səsləndirilən yüzlərlə iş yerinin fəaliyyəti qadağan edilib.