Təbrizin 5 kilometrliyində yerləşən "Şəhid Şirazi" şəhərciyi yaxınlığında böyük həcmdə xəstəxana tullantılarının basdırılması və utilizasiyası qeydə alınıb.

Gunaz.tv

Bu barədə yerli mənbələr məlumat yayıb.

Bildirilib ki, Kənd Təsərrüfatı Nazirliyinin yerli idarəsi zərərli tullantıların basdırılması üçün adı çəkilən bölgədə 20 hektar ərazini Azərbaycandan olmayan şirkətin istifadəsinə verib.

Məlumatda deyilir ki, tullantıların basdırıldığı yerin ətrafında əkin əraziləri və yeraltı su qaynaqlarının çirklənməsi vətəndaşların narazılığına səbəb olub.

Bölgə əhalisi petisiya imzalayaraq ekoloji problemin aradan qaldırılmasını, səbəbkarların cavabdehliyə cəlb edilmələrini istəyiblər.

Eyni halda yerli əhali bununla bağlı Şərqi Azərbaycan əyalətinin Ətraf Mühitin Mühafizəsi İdarəsi və Təbrizin Tibb Elmləri Universitetinə müraciət ünvanlayıblar.

Yüzlərlə vətəndaşın imzaladığı müraciətin cavabsız qaldığı bildirilir.