10 gündən çoxdur iki iranlı alpinist Məryəm Piləvəri və Həsən Ağalu Qırqızıstan Respublikasının Pobeda zirvəsində qalxdıqdan sonra itkin düşüblər.

Gunaz.tv

Bu haqda Qırğızıstandakı "Cənubi İnılçək" yardım əməliyyatları qərargahı məlumat yayıb.

"Dağçıları tapmaq üçün PUA-lar vasitəsilə də aparılan axtarışlar nəticə vermədi, çox güman ki, onlar zirvədən Çinə tərəf düşüb və ya yıxılıblar",- məlumatda bildirilib.

İranın Gənclər və İdman Nazirliyi Məryəm Piləvəri və Həsən Ağalunun nazirlik və Alpinizm Federasiyası ilə kordinasiyalı şəkildə deyil, fərdi təşəbbüslə getdiklərini deyib.

Hər iki dağçı əslən azərbaycanlıdır, Məryəm Piləvəri Savə şəhərinin Alpinizm Klubunun baş məşqçisidir.

Qeyd edək ki, Pobeda 7439 metr hündürlüklə Qırqızıstanın ən yüksək zirvəsidir.