Son 5 ay ərzində iş qəzaları nəticəsində Şərqi Azərbaycan əyalətində 599 işçi ölüb və yaralanıb.

Gunaz.tv

Bu haqda əyalətin Tibbi Ekspertiza Mərkəzinin başçısı Mehrdad Sitarə məlumat yayıb.

Onun sözlərinə görə, qeyd olunan müddət ərzində 38 işçi həlak olub, 561 işçi isə yaralanıb.

Ən çox ölü və yaralı sayı tikinti sahəsində və hündürlükdən yıxılmaq nəticəsində olub.

Bildirilib ki, bədbəxt hadisələrin əsasən təhlükəsizlik qaydalarına riayət olunmaması səbəbindən baş verib.

Qeyd edək ki, müstəqil həmkarlar ittifaqları və işçi hərəkatı fəalları Tibbi Ekspertiza Mərkəzinin verdiyi rəqəmlərin həqiqəti əks etdirmədiyini iddia edirlər.

Onların fikrincə, ölüm və yaralanma halları rəsmi statistikada göstəriləndən bir neçə dəfə çoxdur.

Fəallar iş yerlərinin çoxunda, özəlliklə tikinti sahəsində, təhlükəsizlik qaydalarının tətbiq edilməməsi və işçilərin qoruyucu geyim, avadanlıqlarla təmin olunmamasını ölüm hallarının çoxalmasında əsas səbəblərdən biri kimi göstərirlər.